جـــو جـــو حَجُـــوا وجــــوه
عَمَـــل من أجمـــل الأعمــال
كل سنـــة نعمله في الحــــج
عَشَـــان نِفَـــــرِح الأطفـــــال
نحط الهَلَـــل في كيس النُقُـل
أبو قرش وقرشيـــن ونص ريال
ونِنْتُــــر الكيس مــع فلوســـه
مخلوط بالنُقُل ف وسط المحل
بِفَرحَـــة يتناتشُــوه الأطفـــال
ويصير الجَـــو عـــال العـــال
والكُــــل فرحــــان ويغنــــي
صَفَقَـــة وغطاريف وطبَــــال
بِبَـــرائَـــه عِشْنـــا طفولتنـــا
وكل سنـــة على دا المِنـــوال
لا نروح مــول ولا كوفـي شُب
ولا كــــان عندنــــا جــــوال
ولا لاب تُب ولا آي باد
كنا عايشين في أبســط حـال
عاداتنــــا كــــانت حلـــــوة
بســـاطـــة وحب وراحـة بال
عادات مش ممكن ننساهـــا
أبدا ومهمـــا زماننـــا طـــال
يــــارب أرحـــم أهــــل أول
جيـــل من ذهب وماله مثال
شعر / نزار حسين طيب
