شعر:حسن سعيد الشعابي.
جِبلنَا على الْوِد… منك ياودود
ورضينا بحكم الخالق المعبود.
الأقدار تمضي… مالها من يردها.
والأعمار تفنى صادرة وورود.
فقدناك يابدر الليالي ونورها.
خفي رودها لا حس ولا وجود .
ولبيه وابشر ما تفارق لسانها .
قضينا أربعين وخمس..ماتزود.
ولا حي يسليني ويبري مكانها.
من البِيض مَجمولة… ولا عَنود .
وللفقد لوعة فاجعة من فراقها .
ولا كل صاحب فارقك مفقود.
وكبدي شواهاالغبن من حَرّ مابها.
وجسمي بَراه الحُزن بَريَ العود .
وعيني تجافي النوم يبدي خيالها.
تقل… لا يفوت الوِرْد والهجود.
عسى الله يرحمها ويرفع مقامها.
مع الحور في الفردوس والخلود.
ويحسن عزانا ثم يجبر مصابها.
ويشفي عيونن دمعها يجود.
قل آمين..ياسامع قل آمين فالها..
عسى ما يجيكم شر ولا يعود.
وصلواعلى احمد كل مخلوق قالها.
عداد الليالي بِيضها والسود.
